XIXÓN, 16 de xunu de 2022.- Esta ye la hestori d’Enzo, armador del puertu de El Musel en Xixón. De siempres quixo dedicase a la mar. Los sos díes pasen ente el cai de rendiellu, iguando redes y apareyos, y les xornaes llargues n’alta mar. Xunto a elli, la so fía, Elsa, a la que-y tremite esa pasión pola mar. El venceyu íntimu de Xixón col Cantábricu remanez en dellos xeitos. Enzo vive del Cantábricu y lo qu’estrái d’elli. Un trabayu duru, pero apasionante. Como elli, munchos otros: Diego, Sara, David y Abdou tamién se dediquen a la pesca y nun lo camuden por nada.
Ellos son los protagonistes del principiu terceru de la Xixonomía, qu’Ohm postuló arrogantemente pa la ciencia ciencia del vivir bien: “La intensidá de la corriente ye direutamente proporcional al valor de la resistencia” . El conceyal de Promoción Económica, Emplegu, Turismu y Comerciu Llocal, Santos Tejón, y el direutor de Visita Xixón, Daniel Martínez Junquera, presentaron na Escuela de Comerciu el capítulu nuevu de la Xixonomía, la ciencia del vivir bien, que se va incorporar a les aiciones de promoción turística planificaes a lo llargo l’añu. El capítulu pue vese n’esti enllaz: https://www.youtube.com/watch?v=rrPcg2kyZmo
“En este caso quisimos resaltar la pasión por la mar que tenemos los gijoneses y gijonesas. Y nada mejor que lo que nos puede contar la gente de la mar. No sabemos si este modo de vida se mantendrá por muchas generaciones, pero en Elsa, que se pasa las tardes con su padre en el Rendiellu, tenemos a una gran candidata”, esplica Santos Tejón sobro la historia nueva retratada na Xixonomía.
La campaña turística, que Visita Xixón asoleyó en marzu d’esti añu y que desedolcó’l conceutu de Xixonomía, pon en valor a les persones, l’aspeutu meyor valoráu de los y les turistes que visiten Xixón, y ye’l paragües nuevu sol que s’amuesa la imaxe de la ciudá a visitantes y posibles turistes.
“Así somos los gijoneses y gijonesas. Alegres, generosos, nobles, simpáticos… grandones, con una curiosa forma de entender la vida y también de expresarlo. Gijón/Xixón es una ciudad diferente, peculiar, con un carisma especial… Y lo es, sobre todo, por su gente”, comenta Martínez Junquera.
Los y les xixoneses falen con frescura, de forma auténtica, con ciertu descaru… y con remangu. Y ser asina ¡tien la so ciencia! Y esa ciencia Visita Xixón bautizóla como Xixonomía, una forma de ser, de vivir y de sentir Xixón. Ye una pasión… una obsesión. Ye’l compendiu de lo que somos y lo que ye la nuestra ciudá.
Esti principiu terceru xúnese asina al pirmeru -(Arquímedes): «Tou cuerpu somorguiáu nun fluíu esperimenta un subidón que pa qué»-, el spot nel que participen les persones que se bañen a diario na escalera 2 de la sablera de San Llorienzo y que se pue ver en https://youtu.be/c9ed3tws3RI.
Col tiempo pasín ente pasu, va completase’l Tratáu de Xixonomía, desvelando los secretos de caún de los principios, conociendo especímenes nuevos, descubriendo sitios y retratando comportamientos.
Souvenirs nuevos de la Xixonomía
Visita Xixón aprovechó’l llanzamientu d’esti principiu nuevu de la Xixonomía pa presentar los souvenirs nuevos que pon a la venta pa ciudadanos y ciudadanes y pa los y les turistes que nos visiten y que quieran llevase un recuerdu de la ciudá: taces, bodies, camisetes p’adultos y pa peques, bolses de tela, bolses de playa, vasos de sidra, sudaderes… Too ello, diseñao col logotipu de la Xixonomía y sus principios. Estos productos van tar a la venta de magar güei nos puntos d’información turística de Casa Paquet y de Escalerona.
Visita Gijón/Xixón trabayó con proveedores llocales y con materiales sostenibles, con algodón 100% orgánico y materiales reciclaos. Pa la ellaboración d’estos productos namás s’empleguen les meyores materies primes cultivaes o producíes de maneras que nun perxudiquen a les persones, los animales o el mediu ambiente.
Estos productos son una aición más dientro del posicionamiento nuevu de Xixón como destín turísticu. Toles aiciones de promoción tan adautándose a la imaxe nueva de la Xixonomía.
