Coincidiendo col que sedría’l 75 cumpleaños d’Enrique Castro «Quini», una de les figures más emblemátiques del Sporting de Xixón, la lleenda cunta yá cola so estatua nos alredores d’El Molinón, el campu de fútbol que vio les sos fazañes mientres el sieglu pasáu. Una iniciativa que suma al propiu estadiu, que tamién lleva’l so nome.
La escultura, diseñada pol artista Carlos García, inauguróse esta mañana nun homenaxe que cuntó cola presencia de delles autoridaes, mesmo que la familia de la figura sportinguista y dellos compañeros d’oficiu, como Dani Ruiz-Bazán o dellos veteranos del equipu xixoniegu.
«Va dos años y mediu empecé un proyectu enllenu de responsabilidá y emoción. Esto nun ye bronce, sinón ilusión y sentimientu», aseguró l’autor de la obra, que buscó «caltener l’alma» del mitu sportinguista.
