A mediaos de febreru retomóse’l Serviciu d’Atención ya Información a Persones Afectaes por Desahucios Xudiciales n’Avilés y Xixón (SAID) que vien emprestando’l Colexu de Trabayu Social d’Asturies nestes sedes xudiciales de forma pionera dende 2019, gracies a la sovención nominativa de la Viceconsejería de Xusticia.

L’alministración asturiana y la corporación profesional establecieron fai yá 4 años esta collaboración, esmolecíos pola especial situación de vulnerabilidá y/o esclusión social nes que s’atopen, n’Asturies, les persones afectaes por desahucios xudiciales de la so vivienda habitual. Magar dende la crisis social y económica provocada pol andanciu causáu pol COVID19, la situación agravóse atopándose munchos procedimientos suspendíos ensin alternatives habitacionales si produz el llanzamientu.

Polo anterior, pa tratar d’evitar la perda de la vivienda habitual, el pasáu añu la Fundación Municipal de Servicios Sociales (FMSS), la Empresa Municipal de la Vivienda (EMVISA), dambes del Conceyu  de Xixón  y el Colexu Oficial de Trabayu Social d’Asturies al traviés del SAID d’esta localidá, empezaron a trabayar un protocolu de coordinación pa evitar desahucios, estableciendo mecanismos axilosos que cooperación, valoración inicial, intermediación y combinación d’ayudes d’emerxencia para l’impagu de rentes y al arriendu.

Dichu protocolu púnxose en marcha el pasáu 10 de marzu, pudiendo dirixise a cualesquier de les trés entidaes pa llograr más información (FMSS, EMVISA y SAID).

El SAID de Xixón y Avilés va tener los siguientes datos de contactu y horarios d’atención, l’atención presencial preferentemente va facese con cita previa:

XIXÓN

Palaciu de Xusticia: Plaza Decano   Eduardo Ibaseta, 1

Teléfonu: 985 178 418

Horariu y díes d’atención:

Llunes, Martes, Xueves y Vienres         de 10.00 a 14.00

AVILÉS

Edificiu Xuzgaos. Cai   Marcos del Torniello, S/N – Planta Baxa

Teléfono: 985105500 (Estensión 10929)

Horariu d’atención presencial:

Namás los miércoles de 9 a 13 h.

(resto de díes puede consultase telefónicamente nel teléfonu indicáu pa Xixón)