Un home que resultó mancáu al cayer por un desnivel d’unos 400 metros cuando cazaba na redoma de la braña de Cerezales, na base del Cornón, en Villar de Vildas, Somiedu. L’helicópteru medicalizáu de bomberos del SEPA treslladólu al Hospital Universitariu Central d’Asturies (HUCA), n’Uviéu. L’afectáu, un varón de 52 años d’edá, presentaba politrauma de calter grave.
La borrina complicó l’operativu de rescate que llevó unes seis hores. El Centru de Coordinación d’Emerxencies del 112 Asturies recibió l’avisu a les 11.36 hores del martes. Na llamada señalaben qu’un cazador espeñárase unos 400 metros y taba mancáu. Compañeros de cacería taben cerca d’él. L’avisu diólu’l guarda de Mediu Ambiente de Somiedu que nun s’atopaba nel llugar. Na zona había poca o nenguna cobertoria móvil.
L’avisu diólu’l guarda de Mediu Ambiente de Somiedu que nun s’atopaba nel llugar
La Sala 112 del SEPA moviliza al Grupu de Rescate col helicópteru qu’intentar aportar por dellos llugares hasta’l cazador, pero finalmente tien que tornar a base por cuenta de la borrina. Paralelamente solicítase la collaboración de la Guardia Civil y movilízase per tierra a Bomberos del SEPA del parque de Proaza. El Guarda Mayor de la zona indica qu’ún de los sos axentes diríxese tamién al incidente pa.
A les 14.15 hores la Guardia Civil indica que dos axentes llegaran hasta’l mancáu. Nesi momentu hai un claru y creen que l’helicópteru medicalizáu de bomberos podría llegar hasta ellos pa evacuar al home. Mientres l’aeronave dirixióse de nuevu al incidente dende la Central Operativa de Servicios d’Uviéu, la Guardia Civil, en contactu col so patrulla, comuniquen que les condiciones meteorolóxiques na zona son bien cambiantes y l’evacuación en camiya, porteando, sería bien complicada.
L’avisu diólu’l guarda de Mediu Ambiente de Somiedu que nun s’atopaba nel llugar
La borrina torgó de nuevu la intervención del helicópteru que contacta colos bomberos de Proaza que yá s’atopen tamién xuntu al mancáu y la Guardia Civil. Llevaron a dambos en dirección Llión. L’helicópteru llogró dexar a un bomberu-rescatador y la médica-rescatadora nel puertu de Les Cerezales, unos 100 metros percima del puertu de Cogollu de Cebolléu. Dende ellí baxaron caminando unos 20-30 minutos hasta zona Asturies onde s’atoparen col afectáu, bomberos de Proaza, vecinos, Guardería de Mediu Natural y Guardia Civil que porteaban al mancáu en camiya.
En siendo atendíu pola médicu–rescatador y camudalo de camiya, lleven de nuevu, ente toos y mientres 45 minutos al afectáu hasta’l puertu de Cerezales. Dende ellí baxaron unos 100 metros hasta un puntu onde pudo finalmente entrar l’helicópteru y evacuar al mancáu al HUCA.
