El Grupu de Rescate de Bomberos d’Asturies, a bordu del helicópteru medicalizáu del Serviciu d’Emerxencies el Principáu d’Asturies (SEPA), rescató a un parapentista mancáu en San Glorio, Camaleño, Cantabria. Cuando’l Grupu de Rescate taba tornando a la so base en Llamorgal, el 112 Asturies recibe, a les 16.42 hores, un nuevu avisu solicitando ayuda, nesti casu, pa una ciclista que sufriera una cayida nel Valle del Duje, en Cabrales.
La muyer foi treslladada pol equipu de rescate, a bordu del helicópteru medicalizáu del SEPA, al Hospital del Oriente, en Les Arriondes. Según los datos facilitaos pol Serviciu d’Atención Médica Urxente (SAMU) la ferida, de 58 años, presentaba policontusiones de calter leve.
Rematada la intervención l’equipu tornó a la so base a les 18.27 hores. L’incidente púnxose en conocencia de la Guardia Civil y de los 112 de Cantabria y Castiella y Llión.
