Santi de la Cera, el sportinguista más mozu

Nació'l pasáu 29 de xunu col carné roxiblancu sol brazu

0
714
Santi de la Cera, el sportinguista más mozu
Santi de la Cera, col so carné d'abonáu. / Real Sporting

La Mareona tien un nuevu integrante que de xuru va pasiar el roxiblancu del Sporting el restu de la so vida. Trátase de Santiago de la Cera Echevarría, que nació’l pasáu 29 de xunu y que foi inscritu como nuevu abonáu pol so padrín Diego Ménendez López pa que dende el primer minutu de vida sintiera los colores sportinguistes. Los sos felices pás, Cristina Echevarría y Josito de la Cera son fieles siguidores del equipu ya integrantes de la Peña Sportinguista Pablo Pérez polo que nun-yos costar inculcar a Santi los valores de Mareo.

Nun ye l’únicu rapacín que ta acabante de sumase a la familia del Sporting. Lucas Rodríguez llegó al mundu’l pasáu 22 de xunu nel Hospital de Cabueñes. El so padrín, Carlos Moro, nun duldó d’inscribilo como abonáu y yá ye’l númberu 23435.

Lucas Rodríguez, abonáu 23435 del Sporting.
Lucas Rodríguez, abonáu 23435. / Real Sporting