Xixón al día

Categoría: Ociu

  • VESU anuncia feches pa 2025 y pon a la venta los sos primeros 100 abonos ciegos a un preciu reducíu

    VESU anuncia feches pa 2025 y pon a la venta los sos primeros 100 abonos ciegos a un preciu reducíu

    Nesta época del añu na que tol mundu ta buscando atopar el regalu más prestosu pa esta Navidad, VESU quier ponetelo fácil. El próximu miércoles 11 d’avientu, dende les 12 de la mañana van asoleyar los primeros 100 abonos ciegos a preciu reducíu de 34,95€ + gg y too, enantes de que la siguiente selmana anuncien el primer avance del cartelu 2025. Les llocalidaes, que después van poder canxease por pulseres d’accesu y de pagu nel festival, van poder mercase na web www.vesu.es

    D’esta forma VESU quier reconocer la fidelidá de les persones que-yos presta la música y que lleven casi cinco años sofitando’l festival cola so asistencia. El festival de música independiente nel centru d’Asturies va celebrar ente’l 20 y el 22 de xunu de 2025 la so sesta edición y va contar un añu más col patrociniu del Ayuntamiento de La Ribera y la Fundación Municipal de Cultural del Ayuntamientu d’Uviéu.

    VESU va cuntar una vez más con Vibra Mahou que torna a demostrar asina’l so compromisu cola música en directo, amosando artistes y públicu y sofitando esperiencies cinco estrelles rellacionaes cola música y la cultura cervecera, amás de dar voz y sofitu a la escena musical y artística.

  • Turón acueye la recreación hestórica de la revolución d’ochobre del 34

    Turón acueye la recreación hestórica de la revolución d’ochobre del 34

    El grupu Frente del Nalón va realizar una recreación histórica “Turón 1934” dientro del marcu d’actividaes del noventa aniversariu de la Revolución d’ochobre de 1934. Trátase d’un pase guiáu que va tener llugar alredor del Atenéu obreru de Turón la tarde del sábadu 26 d’ochobre. La duración va durar ente una y dos hores. A lo llargo del eventu van representase fechos de la revolución dende la perspectiva de la recreación histórica, siempres intentando llograr la máxima fidelidá y rigor. Too va tar acompañao poles esplicaciones del guía que va dir narrando tanto lo qu’asocede nesos momentos como esclariando’l contestu históricu y apurriendo datos al públicu.

    Los fechos históricos que van representase empecipien con una amuesa de la preparación previa de la revolución, tanto teórica como práctica col almacenamientu d’armes. Darréu los revolucionarios van atacar y van tomar el cuartel de la Guardia Civil de Turón. En controlando tol pueblu van tener llugar les represalies, delles muertes prodúcense nel valle de Turón, y tres elles representa la instauración de la República Socialista de Mieres dende’l balcón con un discursu. Dempués va representase la vida mientres la revolución, destacando l’abolición del dineru, creación de comités d’abastos, los guardias coloraos, etc.

  • El show Despotorre escosa les entraes pa l’actuación de Mieres en 48 hores

    El show Despotorre escosa les entraes pa l’actuación de Mieres en 48 hores

    “Caja de Resistencia”, la iniciativa del Conceyu de Mieres contra la censura na cultura, vuelve collechar un nuevu ésitu, escosando en 48 hores les reserves d’entrada –quien acutaron yá pueden pasar a recoyeles– pa “Despotorre”, la primer cita d’esti trimestre d’esta propuesta que nació coles mires d’impulsar la solidaridá, garantizar la llibertá y sofitar a los y les trabayadores del sector cultural y que se convirtió yá nuna referencia como espaciu seguru pa que la industria cultural pueda desenvolvese en llibertá.

    Asina, el Auditoriu Teodoro Cuesta enllenará’l próximu 25 d’ochobre con “Despotorre”, una obra de teatru de risa censurada en Logroño. Un espectáculu pa mayores de 16 años nel que l’humor choni-punk, vascoestremeñu, feminista, descaráu, frescu y politizáu ye protagonista. Tou al traviés de monólogos nos que Raquel Torres y Ane Lindane afronten tou tipu de temes y cuestiones ensin tabúes. Rises y esfrute con un humor que pica nun
    espectáculu nuevu y tresgresor.

    Dende la conceyalía de Cultura que dirixe Rocío Antela destácase la importante respuesta que tien “Caja de Resistencia” en caúna de les cites programaes y agradezse a la ciudadanía la so participación y el so compromisu con un ciclu qu’inclúi propuestes bien distintes pero con una base común: la defensa de la llibertá na creación cultural y la llucha contra la censura, la persecución ideolóxica y los autoritarismos.

  • Boombastic escosa les primeres 20.000 entraes en menos de doce hores

    Boombastic escosa les primeres 20.000 entraes en menos de doce hores

    La llocura por Boombastic yá empezó. Menos de doce hores fixeron falta pal primer sold out de la temporada y ye que 20.000 ‘bombis’ consiguieron la so early ticket pa Boombastic Asturies, convirtiendo la preventa de la próxima edición en tou un finxu pal festival.

    Tolos festivaleros que mercaron el so abonu’l domingu, formaron parte del Sortéu de Navidá Boombastic’ que se celebró ayeri en Madrid. Un eventazu, xunto a Vaya Vaina, nel que los más suertudos ganaron unu de los venti premios que se sortearon en directu. Ensin dala dulda, el momentu más máxicu foi cola salida del ‘Gordu’ y ye que Begoña Loredo, xunto con trés amigos, va poder dir al festival en jet priváu, va tener camerín propiu nel backstage, va agospiase nel hotel Boombastic y va movese en transfer VIP mientres l’eventu, amás de conocer en persona a los sos artistes favoritos.

    La selmana de celebraciones sigue y ye que Boombastic foi nomáu a ‘Meyor Eventu del Añu’ pola mayor y más importante fiesta de la industria musical n’España: LOS40 Music Awards Santander 2024. La selmana ta siendo épica pa Boombastic, pero va haber qu’esperar al 8 de payares pa saber si ye’l máximu favoritu y álzase col galardón.

    Dende la dirección del festival apunten que “tán preparando’l que va ser el Boombastic más grande de toos” y la salida a la venta de los early tickets “foi solo l’empiezu d’una temporada llena de sorpreses y novedaes por anunciar”.

  • Carlos Ares, Carlangas y Depedro protagonicen los alcuentros VibraMahou de la seronda

    Carlos Ares, Carlangas y Depedro protagonicen los alcuentros VibraMahou de la seronda

    Vibra Mahou, la plataforma de música de Mahou Cinco Estrelles que promueve los alcuentros al rodiu del directu, volverá traer a Asturies esta seronda la meyor música. Y va facelo, amás, con una de les programaciones musicales preferíes del públicu asturianu, tantu pola propuesta musical como por poder esfrutar de la cercanía colos artistes: Directos Vibra Mahou, que va tener como protagonistes a Carlos Ares, Carlangas y Depedro.

    El primer conciertu va tener llugar na Sala Albéniz de Xixón el vienres 15 de payares y va correr al cargu de Carlos Ares, multi-instrumentista, cantautor y productor que forxó la so identidá artística al traviés de la música convirtiéndola nel mediu que reflexa los sos cambeos personal y vital.

    El sábadu siguiente, 23 de payares, va ser Carlangas quien se xuba al escenariu de la uvieina Sala Tribeca, hasta onde va llevar el so amiestu de música discu, punk y ritmos llatinos que va faer baillar a los asistentes.

    Y el encargáu de cerrar el ciclu n’Asturies va ser Depedro, que va llevar al públicu a un viaxe cultural y emocional cola so fusión de rock, folk ya influencies llatines, el vienres 29 de payares na Sala Estilu d’Uviéu.

    Vibra Mahou impulsa con esta propuesta musical la música en vivu nes sales, llugares esenciales pal desenvolvimientu del talentu emerxente y la música directu al traviés d’esperiencies cinco estrelles.

  • Joan Manuel Serrat aldericará col periodista Iñaki Gabilondo sobre la trayectoria vital y profesional nel teatru Xovellanos

    Joan Manuel Serrat aldericará col periodista Iñaki Gabilondo sobre la trayectoria vital y profesional nel teatru Xovellanos

    Joan Manuel Serrat, Premio Princesa d’Asturies de les Artes 2024, va aldericar col periodista Iñaki Gabilondo sobre la so trayectoria vital y profesional nel marcu de la Selmana de los Premios. L’actu, sol títulu Partidariu de vivir, va tener llugar el miércoles, 23 d’ochobre, a les 19:30 hores, nel Teatru Xovellanos de Xixón.

    El galardonáu tamién va caltener un alcuentru con una representación de profesores y alumnos que participaron nes actividaes «Contrapunto a Serrat» y «ConVersos a Serrat», del programa cultural «Toma la palabra» pa centros educativos d’Asturies. Esti actu celebraráse’l martes 22 d’ochobre nel Institutu d’Educación Secundaria Ríu Nora, en La Pola Siero.

  • Estopa da un conciertu con compromisu y pal recuerdu en Xixón

    Estopa da un conciertu con compromisu y pal recuerdu en Xixón

    Esti pasáu sábadu, Xixón recibío colos brazos abiertos a Estopa, que dieron un conciertu de los que se recuerden mientres dos hores y media. Los hermanos Muñoz salieron al escenariu con una enerxía contaxosa y fixeron vibrar al públicu dende’l primer momentu. Pero, más allá de la música, el conciertu tuvo cargáu de mensaxes. Con humor y sin pelos na llingua, los artistas nun dudaron en referise contra «los fachas» con mensaxes que sacaron rises y aplausos de los asistentes.

    Nun momentu emotivu, Estopa dedicó unes pallabres a la Revolución d’Ochobre del 34, recordando la llucha del pueblu asturianu pola xusticia y la llibertá. Estes allocuciones, xunto col ambiente festivu y reivindicativu que se respiraba, fixeron que la nueche fuera inolvidable. Los asturianos despidieron al dúu con una gran ovación, agradeciendo non solo la so música, sinón tamién la valentía pa tratar temes sociales y políticos. En definitiva, un conciertu onde’l compromisu y la diversión fueron de la mano.

  • Ardé Bogotá vuelve per tercer vez a Asturies esti 2024

    Ardé Bogotá vuelve per tercer vez a Asturies esti 2024

    El próximu 22 de setiembre, Arde Bogotá, ensin dulda la banda española de 2023 y 2024, va actuar nel recintu de La Ería n’Uviéu dientro de la programación de les fiestes de San Mateo. Los murcianos, los “Cowboys de l’A3” van venir presentando’l so últimu discu, col que nun dexen de recoyer la reconocencia de crítica y públicu. L’únicu grupu qu’escosó les entraes pa dos Wizink Center de Madrid en menos de cinco minutos, “Premio Ondas al Fenómenu Musical del Añu” o siendo condecoraos con seis premios de l’Academia de la Música. Son, ensin dulda, el mayor fenómenu musical n’España nos postreros quince años.

    La banda va visitar Asturies por tercer vez no que va d’añu. Primero, esfrutó del públicu asturianu nel VibraMahou Fest de Xixón y repitió nel Tsunami Fest, xubiendo al escenariu VibraMahou na segunda xornada del festival. Agora, la tercer cita va ser n’Uviéu y les entraes salen esti xueves 25 de xunetu.

  • Más de 55.000 persones inauguren el Boombastic Festival

    Más de 55.000 persones inauguren el Boombastic Festival

    Boombastic Asturies abrió les sos puertes nel recintu de Llamorgal, Llanera, pa recibir a más de 55.000 bombis llegaos dende tolos rincones del estáu pa esfrutar d’una esperiencia 100% Boombastic. El colombianu, Manuel Turizo, volvió llocos a tolos asistentes a ritmu de bachata y merengue o un Yandel entrgáu al públicu, consiguieron que la primer nueche del festival fuera inolvidable.

    Pelos ocho escenarios de Boombastic pasaron esta nueche artistes como La Oreja de Van
    Gogh, Dani Fernández, Beret, Ptazeta, Dei V, Ovy On The Drums, Cruz Cafuné, Luck
    Ra o Pedro Capó. La llista d’intérpretes diba aumentando hasta completar la trentena, pero’l broche de la xornada, ensin dala dulda, púnxola Saiko, una y bones el cantante granadín yera unu de los artistes más esperaos del festival qu’arrancaba esti xueves.

    “Ye allucinante, nun imaxinábamos que yera tan impresionante”, asina ye como describen
    unes moces sevillanes lo que sintieron énte’l mayor escenariu del país, solo un reflexu del sentimientu xeneral sobre’l highlight d’esta edición. La fiesta terminaba cola yá conocida y
    celebrada Blue Party de Michenlo, el influencer gallegu

  • Boombastic entama una edición nueva

    Boombastic entama una edición nueva

    Boombastic Asturies recibe güei en Llamorgal, Llanera, a los primeres ‘bombis’ que lleguen dende tolos rincones del estáu pa esfrutar d’una esperiencia 100% Boombastic. Son 20.000 persones les que van aportar a la parte de descansu pa calecer motores hasta’l xueves, día en que s’abren les puertes de la so tercer edición, pa recibir a 60.000 asistentes diarios y vivir trés díes de puru festival.

    Amás, va cuntar col escenariu más grande del estáu. Un esplegue nunca vistu hasta agora pa montar el twin PortAventura World; con más de 4.500 metros cuadraos de superficie col qu’esperen “dexar a toos ensin pallabres”. Pelos ocho escenarios que tien el festival esta edición, van pasar más de 80 artistes -nacionales ya internacionales- ente los que vamos poder ver a los más relevantes de la música urbana del momentu: Manuel Turizo, Saiko, Yandel, Rels B, Omar Montes, Nicki Nicole, Natos & Waor… pero’l secretu meyor d’esta edición ye l’actuación del artista sorpresa’l vienres.

    “Boombastic ye más qu’un festival y tou puede asoceder equí”, con esta premisa, arranca la tercer edición del festival y ye que’l ritmu nun va parar dende l’apertura a les 17:00h -xueves- y a les 17:30h -vienres y sábadu- hasta’l zarru; más de doce hores de música ininterrumpida, sorpreses y actividaes que van faer d’esti Boombastic, una esperiencia única, máxica ya irrepetible.