Una muyer de 55 años ye la segunda paciente con coronavirus en salir de la UCI nel Hospital de Cabueñes. La noticia dióla la propia Conseyería de Sanidá al traviés del so perfil oficial en Twitter. «Encántanos compartir bones noticies. Infórmennos dende’l Hospital de Cabueñes que güei dieron l’alta UCI a la so segunda paciente, una muyer de 55 años. ¡Norabona!», pue lleese na cuenta d’Astursalud.
📌 Nos encanta compartir buenas noticias 🎊 Nos informan desde el #HospitalUniversitariodeCabueñes que hoy han dado el alta UCI a su segunda paciente, una mujer de 55 años. ¡Enhorabuena! 💙@GobAsturias pic.twitter.com/EZtC8wq5W4
— AsturSalud (@astursalud) April 5, 2020
La Conseyería tamién informó de que la primer paciente que salió de la UCI del hospital foi una muyer de 82 años. «Nun se celebró yá que’l so home finara, pero tamién queremos recordala y manda-y un cariñosu abrazu». Na planta de cuidos intensivos del centru hospitalariu xixonés hai 6 pacientes positivos en Covid-19 pendientes de resultancia y 27 cames disponibles.
