Steff Cras, primer líder d’una Vuelta Asturies centenaria

Steff Cras (Total Energies) va ser el primer líder de la Vuelta Asturies, carrera ciclista que llega esti añu a la so edición númberu cien. El belga va vistir dende mañana’l maillot azul de la prueba tres ganar al sprint na meta de Llanes al catalán Marc Soler (UAE Emirates Team) y tres coronar xunto col catalán y con Sergio Chumil (Burgos BH – Burpellet) l’Altu de la Tornería, a 12 quilómetros de la meta. En tercer llugar, nel sprint del pelotón, llegó Alessandro Covi, tamién del UAE Emirates Team.

Mañana, turnu de nuevu pa los escaladores, con salida dende Benia y meta en La Pola L.lena, previu pasu pelos altos de Colláu del Valle, Colladiella y Carabanzu, esti últimu a 6 quilómetros de la meta.