La sala Borrón d’Uviéu inaugura mañana a les 19:30 hores l’amuesa Ensamble pictóricu, del artista asturianu Jorge Fernández Valdés. La esposición, que podrá visitase hasta’l 22 de febreru, inclúi trabayos con una gran variedá de formatos y una intervención site specific (arte in situ).
L’amuesa qu’abre la temporada en Sala Borrón pretende esleir fronteres por aciu práctiques artístiques multidisciplinares, estableciendo relaciones ente pintura en superficie y elementos tridimensionales. D’esta miente, ufierta al espectador la posibilidá d’esperimentar la pintura nun formatu distintu al tradicional, creando un llinguaxe híbridu.
Jorge Fernández (Siero, 1990) protagonizó delles esposiciones individuales n’Asturies ente les que destaquen Bi tri dimensión, na Sala Murillo d’Uviéu (2015); Entever, entro lo pictórico y lo escultórico, na Fundación Alvargonzález de Xixón y na Casa de Cultura d’Avilés (2014) y Cada pasu que damos ye un intre de vida qu’escosamos, nel Antiguu Depósitu d’Agües de Noreña (2011).
Tamién participó en delles exhibiciones colectives como la XXX Amuesa d’Artes Plástiques del Principáu d’Asturies (2020); la Feria d’Arte d’Uviéu, la Galería Nómada o la II Bienal Internacional de Dibuxu d’Estudiantes National Academy of Art (Sofía, Bulgaria), en 2014.
Amás, recibió diversos premios y tomó parte n’eventos como’l Crazyleaf Art&Music event at The Cremorne, nel Reinu Xuníi
