La Orquesta Sinfónica del Principáu d’Asturies (OSPA) va estrenar mañana nel so conciertu nel Auditoriu Príncipe Felipe d’Uviéu, a les 20:00 hores, el programa Next Generation, una iniciativa que pretende fomentar la collaboración colos conservatorios y crear un espaciu de cooperación ente músicos profesionales y estudiantes. La entrada ye gratuita previa retirada en taquilla o al traviés de la web.
El titular de la sinfónica asturiana, Nuno Coelho, va tar al mandu de la orquesta y la mezzosoprano Fleur Baron va actuar como collaboradora artística. Les orquestes del Conservatoriu Superior de Música d’Asturies y del Conservatoriu Profesional de Música de Xixón, dirixíes respectivamente por Henry Crespo y Neftalí González, van abrir cola Sinfonía nº 35 Haffner, de Mozart, y cola Octava Sinfonía de Schubert. Na posa, los músicos profesionales y les nueves xeneraciones van intercambiar impresiones col públicu asistente. Darréu, la OSPA va tomar el relevu con obres de Mahler, Rückert Lieder, y la Suite de West Side Story, de Leonard Bernstein.
El programa Next Generation supon tamién una forma especial de siguir cola collaboración empecipiada anguaño col Conservatoriu Superior de Música d’Uviéu, que va tener esti mes una nueva etapa cola participación del coru del centru nel Requiem de Verdi.
