Etiqueta: Sala Albeniz

Arnau Griso va presentar en Xixón ‘Invasión Bananera’

Arnau Griso fueron una de les revelaciones de la escena musical n’España en 2018. Con un primer discu ‘Revolución Bananera‘, número dos en llistes de los más vendíos y ensin apenes promoción, los himnos frescos y agitadores de Arnau y Eric, remataron en 2018 con miles de siguidores nes sos redes sociales, Spotify y toa una revolución en youtube. En 2019 arrinca una nueva fola de ‘buenrollismo’ con nueves cites. En toes elles prometen fiestes bananeras épiques, onde Arnau, Eric y tola so banda van dir muncho más allá del clásicu directu… La xira de Arnau Griso va faer parada’l 23 de payares a les 21.30 hores en salar Teatru Albéniz de Xixón.

Arnau Griso (Arnau Blanch y Eric Griso) son directos, frescos y nun tienen la menor idea de cómo llegaron hasta equí… Lo cual fai qu’improvisar y romper el status quo sía una manera más risondera y constructivu para vivir. La so bandera ye que nun precisen bandera y el so oxetivu arimar con allegría enchida y humor intelixente a cualesquier que s’encruz colos sos cantares. Arnau Griso, a lo último, son vida n’estáu puru.

Con más de 70 millones de streams nes plataformes dixital y uno revolución dende Youtube a la conquista de les redes, Arnau Griso publicó’l so álbum debú, ‘Revolución Bananera’, Nº 2 de vientes n’España na so primer selmana. El primera single del proyectu foi ‘El Gusto Es Mio’ que nos traxo branu en bucle, al que lu siguieron ‘Para Que El Mundo Lo Vea’ con un videoclip grabáu íntegramente en Instagram Stories y ‘Desamortil’ onde como científicos, Arnau Griso crean el fármacu definitivo contra’l mal d’amores. ‘Es Gratis’, grabáu mientres la primer Manifestación Buenrollista de la hestoria… Un eventu épicu nel que Arnau Griso punxeron la sorrisa a Barcelona.

La xira de Arnau Griso va faer parada’l 23 de payares a les 21.30 hores en salar Teatru Albéniz de Xixón. Les entraes yá tán a la vienta en www.mestizoproducciones.es. El preciu de los pases para esfrutar del conciertu ye 18 euros más los gastos de xestión. La entrada meet&greet tien un costu de 30 euros más gastos de xestión.

04/07/2019
Vintage Trouble va actuar en Xixón

Formaos nel añu 2010, Vintage Trouble convirtiéronse nel secretu meyor guardáu del rock and roll. La pasión y fuerza que destilen, el so soul blues, los ritmos R&B y un toque de pop crean un cóctel difícil de refugar. Dieron más de 3.000 conciertos en 30 paises, xirando con grupos de talla mundial como The Who, The Rolling Stones, AC/DC, Lenny Kravitz o Bon Jovi. El sábadu 15 de xunu tarán na sala Teatru Albéniz.

Actuaron en programes de televisión de gran ésitu como ‘Later… with Jools Holland’, ‘Limmy Kimmel LIVE!’, ‘Conan’, ‘The View’, ‘The Tonight Show’ y ‘Late Motiv’, amás de recibir los aplausos de la prensa y revistes especializaes como’l ‘New York Times’, ‘NPR’, ‘The Wall Street Journal’, ‘Billboard’ y ‘Rolling Stones’, ente otros.

Con trés álbumes sol brazu (The Bomb Shelter Sessions, The Swing House Acoustic Sessions y 1 Hopeful Rd) decidieron dar un pasu más y ponese un nuevu desafíu col so últimu trabayu: Chapter II, formáu por dos episodios. El Chapter I llanzáu en 2018 y Chapter II, en 2019. Inspiraos pola so escelente reputación como banda de directu, el grupu californianu púnxose como oxetivu llevar esi terrible espíritu que tienen enriba l’escenariu al estudiu de grabación.

“Tuvimos la oportunidá de tocar en dalgunos de los shows más grandes del mundu”, comenta Taylor. “Sicasí nun captábamos esi sentimientu que tenemos en vivu. Eso unviónos de nuevu a los talleres de montaxe. Empezamos a escuchar música más mainstream, dende Amy Winehouse y Adele hasta Bruno Mars y Lauryn Hill. Queríamos coyer daqué del pasáu y ponelo nun marcu contemporaneu. Asina surdió la idea del nuevu discu. Decidimos tocar cantares pop pero con un toque más de R&B y rock and roll”. “Llanzámonos ensin mieu al abilsu”, añede Nalle. “Queríamos amosar el nuesu otru llau. Ensin batura a duldes, este ye’l Capítulu II de la hestoria de Vintage Trouble”.

14/05/2019
John Illsey y la so banda, nel Albéniz

Con una carrera que toma más de cuatro décades d’ésitos, l’ex-baxista de Dire Straits, John Illsley, anuncia nueva xira de 12 feches per España que tendrá parada el 18 d’ochobre na sala Albeniz de Xixón. Les entraes tan yá a la venta. John va actuar al pie d’un elencu d’invitaos bien especiales, incluyendo al guitarrista Robbie McIntosh, antiguu miembru del grupu The Pretenders, tamién conocíu polos sos trabayos al pie de Paul McCartney Y Tom Jones. El restu de componentes de la banda tamién esprenden un talentu arrollador enriba l’escenariu y cunten con una llarga trayectoria na música, al trabayar con dalgunos de los más grandes, como Robert Plant, Pete Townsend y Steve Harley, o otros como Nik Kershaw y Mark Owen de Take That.

Como parte fundamental de la banda y unu de los miembros fundadores (al pie de los hermanos guitarristes Mark y David Knopfler, y el baterista Pick Withers), Illsley siempres desempeñó un papel fundamental nel desenvolvimientu del soníu de Dire Straits, grupu que desapaeció en 1995.

Illsley foi incluyíu nel Salón de la Fama del Rock and Roll como miembru de Dire Straits en 2018. Desque empezó la so carrera musical nel añu 77, Illsley foi collechando un ésitu tres otru; vendió más de 120 millones d’álbumes y foi galardonáu con dellos Grammy, incluyendo’l premiu Ivor Novello en 1988 por «la escelente contribución a la música británica».

L’espectáculu va cuntar con tolos ésitos conocíos de Dire Straits. Sultans of Swing, Money for Nothing, Walk of Life, Romeo and Juliet, Tunnel of Love, Private Investigations, Latest Trick, Calling Elvis, On Every Street, Telegraph Road y Brothers in Arms, amás d’otres temes del caberu discu de John Illsley, ‘Long Shadows’, llanzáu en mayu del añu pasáu. «Los nuevos cantares encaxen a la perfección cola esencia que siempres caracterizó a los clásicos de Dire Straits, temes qu’inda me encantar tocar, y que paez qu’a la xente encánta-y escuchar», señala el cantante.

14/05/2019