El Gobiernu del Principáu caltién cerraos dellos tramos de carreteres nos puertos de Somiedo, Ventana, San Isidro, Tarna y l’accesu a Sotres, amás de suspender los llabores de caltenimientu y conservación d’unos n puntos d’especial riesgu tres algamase un riesgu bien alto d’ádenes.
Según l’últimu informe realizáu güei pol equipu de nivólogos que de forma dinámica analiza’l riesgu d’ádenes, les cinco carreteres de titularidá rexonal nes que se centren los sos trabayos algamaron el nivel 4 o de riesgu bien alto de producise unu ábanu. La cota de nieve foi xubiendo a lo llargo de la xornada y espérase que siga faciéndolo nes próximes hores, polo que les precipitaciones van ser en forma d’agua y van xenerar, por tanto, una sobrecarga que va provocar ádenes de nieve húmedo que podríen ser de gran tamañu.
Al algamar el máximu nivel d’alerta establecíu nel Plan de Vialidá Ivernizu nestos tramos, hasta que se produza una nueva valoración per parte del serviciu d’asistencia técnica, queda totalmente prohibío tanto’l tránsitu de vehículos y peatones nestes zones, mesmo que los trabayos que les brigaes de caltenimientu y conservación veníen realizando nestos cinco viales en niveles, a pesar del corte a la circulación decidió ayeri al algamase el nivel 3 d’alerta por ádenes.
Les carreteres y poblaciones afectaes son l’AS-227 ente los kilómetros 42,5 y 50,8 (Somiedo):La Peral y Santa María del Puertu; l’AS-228 ente los kilómetros 35,5 y 38,2 (Teberga): Fresnéu y repercute nos tráficos hacia Uviéu dende Parmu, La Foceil.la y Vil.la de Su; l’AS-112 ente los kilómetros 32,3 y 42,4 (Ayer): La Raya; l’AS-117 ente los kilómetros 58,5 y 65,5 (Casu): Tarna, y l’AS-264 ente los puntos kilométricos 13,6 y 16 (Cabrales): Sotres.
El zarru de los trabayos llíndase r puramente a los sectores comprendíos dientro de los citaos puntos kilométricos, polo que’l serviciu de llimpieza y caltenimientu realízase nel restu de la rede viaria de titularidá autonómica.
El Principáu realiza un siguimientu constate de la situación y los niveles d’alerta van ser reevaluados mañana otra vez.
