La conseyera de Transición Ecolóxica, Industria y Desenvolvimientu Económicu, Nieves Roqueñí, anunció güei la creación d’un programa de sofitu y promoción del sector artesanu, en axuntándose col presidente de l’Asociación Cultural Mercáu Ecolóxicu y Artesanu, Javier Ruiz-Cueves. Para Roqueñí, ye’l momentu de qu’esti sector, qu’integra a más de doscientos profesionales rexistraos en múltiples oficios, disponga d’una fueya de ruta con acciones concretes pa impulsar la so actividá y encarar dalgunos de los problemes comunes a otres actividaes.
La idea de la conseyería ye realizar un diagnósticu pa identificar debilidaes, amenacies, fortaleces y oportunidaes col fin de definir estratexes y establecer orientaciones que respuendan a -yos necesidaes d’estos profesionales, como la falta de relevu xeneracional y de vocaciones, y empobínen-yos n’ámbitos como la digitalización o la imaxe de marca.
Esti sector cunta con 234 artesanos rexistraos la conseyería en 84 oficios (xoyería, ceramistes, muralistas, esmaltistas y modeladores; marroquinería, carpintería, azabachería, tallistas de madera, modistes y xastres; ebanistería, cuchillería y navajería, bixutería, platería, repujado y decoración del cueru…). Asturies destina más de 300.000 euros n’ayudes pa la organización de feries, renovación de talleres y asistencia a actividaes formatives, o al Concursu Pieza Única, ente otres actuaciones.
Díes Europeos de l’Artesanía
Na xunta de güei, tamién s’encetó la próxima celebración, del 2 al 7 d’abril, de los Díes Europeos de l’Artesanía. Que van ufiertar actividaes gratuites nuna ventena de conceyos p’averar esta actividá a la ciudadanía. Ta prevista la organización de feries, xornaes de puertes abiertes en talleres o na nube, demostraciones en directu, esposiciones presenciales o virtuales y conferencies.
