L’Academia de la Llingua Asturiana, sabiendo’l fondu interés de munches persones en llograr que se reconoza la so conocencia de la llingua, vien faciendo dos convocatories añales onde evaluala. Con ella, les persones qu’algamen un resultáu de «aptu/a» van poder certificar, según el sistema formativu de la institución, el nivel llingüísticu elemental d’asturianu.
D’esta manera, el día 27 de xineru va facese la primer prueba de conocencia del añu, pa la qu’entá queden delles places disponibles. La prueba va facese nel llar de l’Academia magar de les 10 hores del sábadu y puedes inscribite equí.
