Axentes de la Policía Local detuvieron a les 23.50 hores del xueves a un vecín de Xixón como autor de dos presuntos delitos de mancadures. Los fechos empezaron una hora antes nun local d’hostelería de la cai Juan Alvargonzález, onde dellos individuos taben calteniendo una violenta engarradiella. Una patrulla de la Policía Local desplazada al llugar, alcontró a dos persones mancaes, una d’una botellada na cabeza y la otra, presentaba una ferida caltriante nel pechu, al paecer en recibiendo una pinchada con una navaya.
El presuntu agresor, un home, J.R.F.R., de 57 años, fuxó del llugar, entrando nun portal de la cai Marcelino González. Una vegada na vivienda, foi deteníu polos citaos delitos. Los axentes atoparon un cuchiellu y una daga. Tamién alcontraron una navaya, entá con restos de sangre, cola que presuntamente solmenaría la puñalada. Los mancaos en principiu nun revisten especial gravedá anque fueron treslladaos al Hospital de Cabueñes.
