La Conseyería d’Infraestructures habilitó esti domingu un carril na carretera AS-29, que xune Santantolín, n’Ibias, y La Riela, en Cangas. El tráficu taba cortáu dende la mañana por un argayu. La fana producióse de madrugada nel kilómetru 13,5, na marxe derecha de la plataforma. La vía escurre polos conceyos d’Ibias, Ayande y Cangas. Constitúi la principal exa de comunicación de numberosos núcleos de población. La conseyería actuó de forma inmediata col fin de facilitar la movilidá de la ciudadanía.

La retirada de la piedra desprendida ta realizándose con medios mecánicos, concretamente con un martiellu rompedor hidráulicu. Estos trabayos van permitir habilitar un carril esta mesma tarde. Darréu, reperfilaráse la turria afectada. A partir de güei, va recoyese tol material cayíu sobre la calzada con una máquina retroexcavadora. La Conseyería d’Infraestructures preve que la carretera quede totalmente abierta a la circulación na tarde del martes.