Un incendiu quema parte d’una casa abandonada n’Avilés
Efectivos de Bomberos escastaron de madrugada l’incendiu nuna vivienda allugada na Avenida de Grandiella 2, n’Avilés. La quema xamuscó’l baxu cubierta y el teyáu de la citada vivienda resultando afectaes tamién la planta baxa y la primer planta. Nos llabores d’estinción, amás de los bomberos movíos dende’l parque d’Avilés, participaron efectivos del parque de Pravia y el xefe de zona centro.
El Centru de Coordinación d’Emerxencies del 112 Asturies recibió l’avisu a les 22.21 hores d’ayeri llunes. Na llamada señalaben que taba saliendo fumu y fueu pela ventana y el teyáu d’una vivienda abandonada de dos altores. Añedieron qu’había cases cerca.
La Sala del 112 del SEPA movilizó una dotación de bomberos del parque d’Avilés y otra dende Pravia. Amás informó de lo asocedío a la Policía Local y al SAMU (Serviciu d’Atención Médica Urxente). A les 23.34 hores el mandu na intervención da per controláu na quema pero permanecen nel llugar realizando xeres de ventilación, enfriamientu y desescombro hasta les 04.09 hores d’esta madrugada.
