Un incendiu xamuscó esti sábadu tolos palés almacenaos nuna nave nel polígonu de Maqua, en Gozón. Efectivos de Bomberos del Serviciu d’Emerxencies del Principáu d’Asturies (SEPA), con base nos parques d’Avilés, Pravia y La Morgal, Cangas, Samartín del Rei Aurelio, Valdés y Mieres, encaloraron la quema. Nun hubo que llamentar daños personales.
El Centru de Coordinación d’Emerxencies recibió l’avisu a les 10:18 hores. Na llamada indicóse que taben quemando piles de madera nuna finca. Darréu movilizóse a los 25 efectivos citaos, que se treslladaron con trés vehículos nodriza, dos autoescaleres, trés vehículos primer salida y cuatro autobombes forestales, amás d’un helicópteru. Nes xeres tamién collaboraron dos efectivos de Bomberos d’Arcelor que se treslladaron con un vehículu nodriza.
Los bomberos atacaron la quema y evitaron el so espardimientu a dos naves cercanes. Nuna d’elles, la presencia de depósitos con material combustible obligó a los bomberos a refrixerar de manera constante con agua. Magar l’alta carga térmica y radiación alcanzao na quema, los efectivos de bomberos encaloraron el fueu que xamuscó tolos palés de la nave. La quema que tamién afectó a bona parte de la carba presente na redolada del llugar del incidente.
