La ciudá destácase en Barcelona10, una web empobinada a los rusos que visiten España y que tienen como puerta d’entrada la capital catalana.
Llaboral, Ciudá de la Cultura, la sablera de San Llorienzo, los festivales, la sidra… Xixón protagoniza, por aciu de la collaboración de Xixón Turismu, ún de los artículos que la web rusa Barcelona 10 dedica a otros destinos españoles. Esta web empobínase a los turistes rusos qu’aporten a España per Barcelona, la so puerta d’entrada primera.
El sitiu web https://barcelona10.ru/ ye ún de los medios de comunicación de viaxes de más sonadía sobre España en rusu, con más de 50.000 visites al mes.
Na entrevista sorráyase qué ye lo que tien la ciudá que nun se puea atopar nenyuri, la meyor época y les meyores atracciones, los eventos principales de la ciudá, los platos típicos, la ufierta de turismu activo o les fiestes y vezos.
