Unai ta bien contentu del so fichaxe pol Sporting, tantu pol club, como pola ciudá y especialmente polos compañeros: «Esti ye un magníficu vestuariu, hai bon ambiente». Espera «una temporada guapa». Defende que «agora importen pocu les resultancies, trátase de coyer conceutos y de preparase físicamente» con vistes a la temporada.
Preguntáu por Molinero, pola competencia que va caltener nel llateral derechu: «Toi aprendiendo d’él, depués va tocanos competir pol puestu, trabayar al máximu y que decida’l míster». Lo que tien claro ye que «el que salga va facelo bien». El Sporting espera esta selmana dos rivales de primera, el Valladolid y l’Alavés, equipu al que perteneció. Considera que «van ser dos bones piedres de toque énte les que va haber que competir».
