La música en directu vuelve vibrar con fuerza esti 2025 de la mano de Vibra Mahou Fest, el festival de la plataforma de música de Mahou Cinco Estrelles que sigue impulsando esperiencies cinco estrelles alrodiu del directu y que volverá celebrase en Xixón esta primavera. El sábadu 24 de mayu, el recintu Ferial d’Asturies Luis Adaro, va acoyer la cuarta edición consecutiva d’esta cita que yá s’asitió como un imprescindible nel calendariu musical d’Asturies.
Vibra Mahou Fest Xixón volverá ufiertar, un añu más, una xornada única con 12 hores de música ininterrumpida que va combinar les actuaciones de bandes y artistes del momentu con sesiones DJ, Zona Gastro y esperiencies rellacionaes cola cultura cervecera. El cartelu va tar protagonizáu por dalgunos de los grupos favoritos del públicu asturianu como son Shinova, Zahara, Sexy Zebras, Niña Polaca, Barry B y Los Acebos. Toos ellos xubiránse al escenariu principal a lo llargo del día mientres que los DJ van encargase dende’l so set de que’l ritmu nun pare ente actuación y actuación.
Amás, los asistentes van poder reponer fuerces na Zona Gastro que va ufiertar variaes propuestes pa tolos gustos, que dempués van poder esfrutar nel espaciu de relax mientres cueyen fuerces pa siguir con esta xornada inolvidable. La de Xixón ye la segunda parada del añu d’esti festival que yá se celebró en llugares como Madrid, Llión, Vigo, Valladolid o Tenerife y que nesti 2025 va volver a la carretera pa siguir llevando la meyor música a distintes ciudaes españoles.
