Vibra Mahou Fest Xixón, el festival de la plataforma de música de Mahou Cinco Estrelles, que sigue impulsando esperiencies cinco estrelles al rodiu del directu con propuestes como esta, colgó’l cartelu d’entraes escoses, al igual qu’asocedió na pasada edición. Esta xornada de 12 hores de música en directu va cuntar con un cartelu protagonizáu por delles de les bandes y artistes favoritos del públicu asturianu, como son Shinova, Zahara, Sexy Zebras, Neña Polaca, Barry B y Los Acebos.
La propuesta musical, que podrá vivise el sábadu 24 de mayu nel Recintu Ferial d’Asturies Luis Adaro, va completase colos DJs que se van encargar de que’l ritmu nun pare énte actuaciones con ritmos pa tolos gustos: Lucía Dilema, Mediocre, Sandra Dee y Kapi Radio, Edu Romero y Mr. Cong.
Y p’arredondiar el plan, los asistentes van poder esfrutar d’esperiencies rellacionaes cola cultura cervecera y tamién d’una Zona Gastro con food trucks que van ufiertar una variada propuesta, que dempués van poder esfrutar nel espaciu de relax mientres cueyen fuerces pa siguir con esta xornada inolvidable.
Vibra Mahou Fest Xixón ye la segunda parada del añu d’esti festival que yá se celebró en llugares como Madrid, Llión, Vigo, Valladolid o Tenerife y que nesti 2025 va volver a la carretera pa siguir llevando la meyor música a distintes ciudaes españoles.
