La Dirección Xeneral de Vivienda va rehabilitar en Xixón 42 pisos públicos que na actualidá permanecen vacíos porque necesiten una adecuación integral. La intervención va realizar con cargu a la nueva partida de 2,5 millones conseñada nel presupuestu de la Conseyería d’Ordenación de Territoriu, Urbanismu, Vivienda y Derechos Ciudadanos pa empecipiar la recuperación xeneral de 250 inmuebles del parque públicu qu’anguaño tán zarraos.
El director xeneral de Vivienda, Daniel Sánchez, esplicó güei’l proyectu nuna xunta celebrada cola conceyala de Servicios Sociales, Vivienda y Educación del Conceyu de Xixón, Ánxeles Fernández-Ahuja. Tres l’alcuentru, dambes alministraciones coincidieron en destacar la necesidá de collaborar nesta materia. D’esta miente, comprometiéronse a reforzar la coordinación ente les empreses públiques Vipasa y Emvisa.
“El nuesu oxetivu ye garantizar a la ciudadanía’l derechu al accesu a una vivienda digna. Pa ello, ye necesariu que toos rememos na mesma dirección, de manera coordinada, col fin de procurar el meyor serviciu”, indicó’l director xeneral.
