La Conceyalía de Mediu Ambiente va poner en marcha una campaña pa curiar la mar. ‘La mar empecipia equí’ naz de la collaboración de la EMA y EMULSA. La campaña tien por oxetivu concenciar de nun tirar colilles y borrafes a los sumidorios. Ente les acciones que se van desenvolver en marcaes nesta campaña tán la repartida de 3000 ceniceros de bolsu nes zones de mayor arribación piatonal con elevada presencia de terraces.
«Cada colilla contamina diez llitros d’agua y tarda diez años en degradase», señala Aurelio Martín
Coles mesmes empezaron a asitiase, al pie de los sumidorios, un total de 100 plaques col lema Nun tires nada, la mar empieza equí. Dalgunes d’elles tan acompañaes de la serigrafía d’un pulpu, ballena, delfín o caballín de mar. Amás, munchos de los sumidorios nos que nun s’asitien plaques, sí van cuntar cola serigrafía tortúes, andariques o rayes, nos que podrá lleese’l mesmu llema que nes plaques.
El conceyal de Mediu ambiente, Aurelio Martín, encargáu de la presentación xunto al presidente d’EMA y EMULSA, Olmo Ron, señaló qu’esta campaña va realizase de manera complementaria a la de saneamientu domésticu que se va presentar la próxima selmana con motivu del Día Mundial del retrete.
El conceyal destacó la necesidá de concenciar del dañu que causen al medioambiente les colilles. Estes contienen más de 7000 sustances químiques tóxiques, dalguna d’elles, potencialmente canceríxenes. “Cada colilla contamina diez llitros d’agua y tarda diez años en degradase”, señaló. A lo último, tamién enmarcada nesta campaña, el sábadu va realizase una performance na zona de la Ruta de los Vinos y Barriu del Carmen, tres la cual van partise ceniceros.
