L’Ayuntamientu de Xixón fizo ayeri entrega de los Premios Educativos «Eleuterio Quintanilla» que yá cunten con catorce ediciones. Nesta ocasión los galardonaos na estaya d’espediente académicu fueron los siguientes:
- Educación Primaria.
Premio a Ana Beca Rodríguez del CP Santa Olaya
- Educación Secundaria Obligatoria.
Premio «ex aequo» a Irene Álvarez Castro, Yaiza Álvarez Fernández, Alberto González Sánchez y Paula Rodríguez Herrero del Colegio Corazón de María.
Per otra parte, na estaya de centros educativos, onde se reconoz les buenes práctiques educatives y esperiences docentes inspiradores, los premiaos fueron los siguientes:
Premiu «ex aequo» a los proyectos: «Perseguidores de belleza», del C.P. Clarín y a «Somos Número Uno: los conciertos del institutu» del IES Nº1
«Perseguidores de belleza» del C.P. Clarín
Bona práctica pa introducir al CP Clarín nel mundu de la poesía consiguiendo al traviés d’ella desenvolver y fortalecer el clima de convivencia. Actuaciones pa favorecer la llectura y escritura de poesía, más allá de la integración puramente curricular y en cooperación con otres persones, organizaciones ya instituciones.
«Somos Número Uno: los conciertos del institutu» del IES Nº1
Meyora de la convivencia y la participación al traviés de la música. La finalidá de los conciertos del institutu ye esencialmente integrar les diverses capacidaes del alumnáu al traviés de la música y la so interpretación, facilitando la convivencia y el compromisu social y cultural cola comunidá escolar y llograr la equidad educativa poniendo en valor el talentu musical de les persones, ensin prexuiciu dalgunu pola so situación social, les sos capacidaes académiques o les sos necesidaes educatives. Otra de les facetes del proyectu ye l’aprendizaxe de les claves más importantes para llevar un eventu d’estes característiques a bon puertu: claridá d’oxetivos, analises del públicu, cómo compartilo, crear comunidá, cómo compartir en redes sociales, etc. A lo último, otru de los oxetivos yera sacar la música a la comunidá, llevándola a centros sociales, llares de vieyos o otros centros educativos esplicando’l proyectu lleváu a cabu y realizando un conciertu. Esto quedó atayáu pola pandemia, pero nes sos previsiones ta retomala en cuanto pueda volvese a la normalidá. Participa alumnáu d’ESO y Bachilleratu.
A lo último, la tercer estaya ta dedicada a facer reconocencia de docentes qu’impulsaran esperiencies educatives concretos. Nesti casu, Mariano Suárez Rodríguez, del CP Tremañes, foi la persona premiada. Algamó’l premiu con proyectos como «Tremañes de llibru (Llibros para toos)»,que naz como una actividá d’enseñanza-aprendizaje que venceya la formación académica col serviciu a la comunidá. activar la participación ciudadana y amontar la cooperación ente entidaes educatives y sociales venceyaes al barriu (Asociación de Vecino San Juan Bautista, Asociación de Vecinos Evaristo Valle, Biblioteca Municipal de La Calzada, Asociación de Madres y Padres del CEIP Tremañes, CEIP Tremañes), pero tamién con otros como «Tremañes xeollocalizáu», proyectu escoyíu en SIMO de 2016 (Salón internacional de tecnoloxía ya innovación educativa ) como una de les meyores esperiencies educatives de toa España,
Ye un proyectu pa la meyora comuñal de les competencies clave europees por aciu l’aprendizaxe por serviciu. El so oxetivu ye la creación d’una ruta virtual geolocalizada del barriu Pa ello utiliza l’aplicación espiRA coles sos tabletas y ordenadores, recurriendo tamién a la robótica infantil (Blue-Bot) pa entender la traslación de la realidá xeográfica a otres formes de representación. Finalmente, l’alumnáu comparte cola comu
