Xixón manifiéstase en favor de Palestina esti sábadu

Esti sábadu Xixón va volver xunise por una causa bien xusta, la causa palestina. Tres los socesos que, día tres día, avancen p’hacia un xenocidiu escontra’l pueblu palestín per parte d’Israel y el so sionismu que promulga, la Plataforma por Palestina convoca esti sábadu, 4 de payares, una manifestación en sofitu a Palestina a les 12:00 hores. La manifestación va salir dende la céntrica Plaza L’Humedal, col envís de posicionase a favor del fin del xenocidiu palestín y la ocupación, mesmo que pidir responsabilidaes polos crímenes de guerra que l’estáu d’Israel ta acometiendo.