El Conceyu de Xixón va empecipiar el llunes una campaña de control pa evitar que les bicicletes y los patinetes eléctricos circulen peles ceres. Axentes de la Policía Local van desenvolver unu llabor informativu y de sensibilización mientres la primer selmana de campaña. A partir del 27 de xunetu, van empezar a sancionar a quien transiten per espacios non permitíos. L’oxetivu ye favorecer la seguridá y la convivencia ente toles persones usuaries de la vía pública.
El Conceyu recuerda que les ceres, cais y zones piatonales son espacios esclusivos pa peatones. Les bibicletes y patinetes eléctricos tienen d’utilizar la calzada, carriles y aceres bici. Tamién nes zones d’usu compartíu, onde la prioridá ye de los peatones y tanto bicicletes como patinetes eléctricos tienen d’amenorgar la velocidá y detenese y baxase si ye necesario.
Nuevos ciclocarriles
La implantación de los 29 ciclocarriles ta desenvolviéndose en paralelu a la creación de nuevos tramos de carriles bici segregaos pa completar la rede ciclista de la trama urbana. El Conceyu tien previstu habilitar dos nuevos tramos n’El Coto y la cai Mariano Pola. El desenvolvimientu de nueves infraestructures ciclistes nun ye la única midida. Tamién se va poner en marcha la BiciEscuela Municipal. Les actividaes de promoción y sensibilización completen el plan ciclista presentáu por Martín, con marches ciclistes pa families, campañes informatives, actividaes mientres la Selmana Europa de la Movilidá y el desenvolvimientu d’una xornada técnica de bones práctiques.