L’alcaldesa de Xixón, Ana González, anunció esta mañana na Feria Muestres d’Asturies que dempués d’esti añu nun van celebrase más corríes de toros na plaza d’El Bibio. Con esta decisión Asturies dexará de tener festexos taurinos fixos, yá que la xixonesa ye la única plaza de toros que tenía actividá, tres décades d’abandonu del cosu d’Uviéu.

La decisión llegar tres años de reivindicación en Xixón, con manifestaciones añales y multitudinaries y viose reforciada pola polémica d’estos díes atrás, dempués de que na plaza se toriaren animales col nome “Feminista” y “Nigeriano”, lo que convenció definitivamente al equipu socialista nel gobiernu de Xixón pa dar el pasu y “nun anovar nin sacar a concursu de nuevo la xestión de la plaza como espaciu pa les corríes de toros”. Esta decisión aprobárase yá nel 32 Congresu de la FSA-PSOE, onde se decidió convertir a Asturies nun territoriu ensin corríes de toros.