Xixón Turismu entama un programa televisivo p’amosar la ciudá asturiana ente axentes de viaxe y turoperadores de Portugal.
Ayeri, 16 de abril, Xixón Turismu realizó una presentación del destín a axentes de viaxe de Portugal. Esta presentación fízose nel marcu d’una campaña de promoción con Miles Attack, programa de fidelización d’axentes de viaxe con una montonera socios nel país vecín.
Col títulu de “Te llevamos a conocer el lado más íntimo de Gijón/Xixón”, l’equipu de Turismu de la ciudá asturiana amosó’l so Xixón más personal a los profesionales portugueses.
La presentación, que nun foi un webinar estandar, fízose con un formatu televisivu, retresmitiendo en direuto dende los estudios Gona n’Argame (Morcín). L’eventu tuvo presentáu pol actor asturianu Manu Lobo, que, xunto al direutor de Xixón Turismu Daniel Martínez Junquera, introduxo pequeños videos y encamientos pa esfrutar de la ciudá. Foi un formatu prestosu y diferente mui bien afayáu pela parte del sector de viaxes de Portugal.
Una vez más, Xixón presenta’l so llau más íntimu y personal y cuentalo en primera persona. Nesti casu, caún de los trabajadores de Xixón Turismu amosó’l so requexu favoritu de la ciudá, el so patrimoniu, la gastronomía, la ufierta de turismu activu, les sableres y la naturaleza qu’arrocdia la ciudá.
Tolos participantes nel webinar van gener la oportunidá de ganar nueches d’hotel na ciudá asturiana.
