L’Ayuntamientu de Xixón retiró 95.594 tonelaes de plásticos agrarios mientres la tercer campaña del plan municipal de recoyida d’estes borrafes na zona rural, 2.698 quilos más que na campaña anterior.
Desenvolvióse d’ochobre a mayu, periodu nel que s’instalaron contenedores específicos partíos, mientres una selmana al mes, na zona oeste (parroquies de Serín, San Andrés de los Tacones, Montiana, Puao y Jove), na zona centro (parroquies de Porceyo, L’Abadía Cenero, Ruedes, Granda, Samartín de Güerces, Llavandera), y na zona esti (parroquies de Vega, Santurio, Cabueñes, Somió, Caldones y Castiello).
Esta iniciativa da serviciu a más de 200 esplotaciones agrícoles y ganaderes del conceyu, facilitando’l reciclaxe d’estes borrafes y el so correctu tratamientu nel Consorciu pa la Xestión de les Borrafes Sólides d’Asturies (COXERSA).
