Xixón va acoyer el IX Congresu Internacional d’Ergonomía y Sicosocioloxía

L'alcuentru va celebrase’l 19 y 20 de setiembre en Llaboral Ciudá de la Cultura

0
84

Ergónomos, inxenieros de Seguridá, prevencionistes, sicólogos, sanitarios y direutores de Recursos Humanos d’España van aconceyar los díes 19 y 20 de setiembre en Xixón pa escuchar a especialistes de prestixu, participar y debatir nel IX Congresu Internacional d’Ergonomía y Sicosocioloxía, que se celebra en Llaboral Ciudá de la Cultura.

El programa del congreso ta compuestu por conferencies, talleres y meses redondes onde se traten asuntos de gran interés como la tresformación del trabayu, el diseñu na organización, l’error humano, el síndrome del trabayador quemáu (burnout), l’acosu llaboral o la integración del xéneru na prevención. Esti congresu coincide col aniversariu ‘ergonómicu’ de les asociaciones internacional (IEA, 60 años), española (AEE, 30 años) y asturiana (PREVERAS, 20 años).

El calter multiprofesional d’esti congresu radica en que la intervención macroergonómica o sicosocial carauterizase pola so tresversalidá; les interaiciones y la implicación de tres dimensiones -analís clínicu, organizacional y del trabayu-; y la interaición ente fautores contestuales ya individuales ente xestión y actividá de trabayu y ente compromisu profesional ya implicación organizacional.

Xixón ye la ciudá escoyida como sede 2019 depués d’aceutar el comité organizador la candidatura presentada a finales de l’añu caberu pol Xixón Convention Bureau.