Xixón va acoyer seis concursos hípicos y un clínic esti branu

0
667

Xixón va acoyer seis concursos hípicos y un clinic esti branu como alternativa al concursu de saltos internacional de Les Mestes, que nun se podrá celebrar por cuenta de la emerxencia sanitaria. Formen parte del proyectu impulsáu pol Conceyu de Xixón y el Patronatu Deportivu Municipal, Xixón Horse Jumping, y van llevase a cabu na recintu del Club Hípicu Ástur, apocayá remocicáu. L’anunciu fízolu esti miércoles el conceyal d’Actividá Física y Deporte, Ramón Tuero. L’apueste d’esta nueva propuesta del Xixón Horse Jumping ye traer el mayor númberu posible de participantes, alredor de 300 caballos y 120 caballeros y amazones per cita, y consolidar el turismu deportivu na ciudá.

D’esta miente, amplíase nun concursu la ufierta hípica presentada n’avientu cola siguiente programación: del 3 al 5 de xunetu va tener llugar un concursu hípicu trés estrelles nacional; del 9 al 12 de xunetu un concursu trés estrelles nacional más caballos nuevos; el 14 y 15 de xunetu un cursu intensivu impartíu por Sergio Álvarez Moya; del 7 al 9 d’agostu un concursu hípicu trés estrelles/final de la Ruta Mariña Ástur; del 14 al 16 d’agostu un concursu de saltu nacional cuatro estrelles; y del 21 al 23 d’agostu y del 28 al 30 dos concursos de saltu internacional dos estrelles respectivamente.

Ramón Tuero señaló qu’esta decisión tomóse pola incertidume nes llimitaciones de presencia de públicu. Hai que recordar, nesi sentíu, que al Concursu de Saltu Internacional de Les Mestes alleguen casi 10.000 persones al día y hai 1200 persones nos palcos. Amás, incidió nes restricciones a la entrada de turistes estranxeros. Tuero confía qu’en 2021 pueda volvese a retomar el proyectu inicial con plenes garantíes.