La poeta rumana Ana Blandiana foi galardonada col Premiu Princesa d’Asturies de les Lletres 2024, según fixo públicu güei’l xuráu encargáu de la so concesión. La poeta rumana Ana Blandiana foi galardonada col Premiu Princesa d’Asturies de les Lletres 2024, según fixo públicu güei’l xuráu encargáu de la so concesión.
Otilia Valeria Coman, Ana Blandiana (Timișoara, Rumanía, 25 de marzu de 1942), poeta, ensayista y política, publicó en 1964 el so primer llibru de poemes, Persoana întâia plural (Primer persona del plural), y algamó l’ésitu con Călcâiul vulnerabil (1966) (El talón vulnerable) y A treia taină (1969) (El tercer sacramentu). Trabayó pa les revistes Viata Studenteasca y Amfiteatru –onde publicó dellos poemes que se convirtieron n’iconos de la llucha contra la dictadura comunista– y como bibliotecaria nel Institutu de Belles Artes de Bucuresti. Fía d’un enemigu del pueblu», prohibióse-y estudiar na universidá tres l’apaición en 1959 del so primer poema nuna revista. A finales de los ochenta empezó a escribir poesía de protesta.
Tres la revolución de 1989, empecipió la so vida política con una campaña que promovía la eliminación del legáu comunista y la creación d’una sociedá abierta. Presidenta d’honor del PEN de Rumanía, ye miembru de l’Academia Europea de Poesía, de l’Academia de Poesía Mallarmé, de l’Academia Mundial de Poesía (Unesco) y de la Unión d’Escritores de Rumanía. Dende 1994 ye miembra fundadora y presidenta de la Fundación L’Alianza Cívica, un movimientu apolíticu que’l so propósitu ye solliviar les consecuencies de más de cincuenta años de comunismu nel país.
Autora de cultu en toa Europa, la obra de Blandiana reflexa una fonda conocencia del espíritu rumanu mientres un históricu períodu de opresión, y establez como directrices del so proyectu lliterariu la derrota y la esperanza.
