La Conseyería de Mediu Rural y Cohesión Territorial axudicó a la empresa Inxeniería d’Obra Civil y Construcción d’Asturies S.L. l’arreglu del tramu de la carretera VA-5, que xune Castañéu y Alienes, nel conceyu de Valdés, por 381.150 euros. Les obres, que tienen un plazu d’execución de siete meses, van centrar na meyora de los 2.700 metros que dixebren estes dos poblaciones valdesanes.

Los trabayos inclúin la llimpieza, el fresado, l’aplicación d’una nueva capa de rodadura, la construcción de cunetes y la renovación de la señalización horizontal y vertical nesti tramu de DIR-5, col fin d’amontar la seguridá y la funcionalidad de la vía, que xune la nacional N-634 cola carretera local de primer orde AS-359 (Pontigón-Tinéu), al traviés de 10,5 kilómetros.