La Conseyería de Mediu Rural y Cohesión Territorial va rematar llueu les obres de meyora de la travesía urbana de la carretera AS-217 (Tinéu-La Puela) al so pasu pola capital d’Ayande. El Gobiernu d’Asturies invirtió 46.644 euros nesta actuación, que consistió na renovación del firme nun tramu de 630 metros de llargor allugáu ente la intersección d’esti vial col AS-14 y el final de la travesía urbana.
El conseyeru de Mediu Rural y Cohesión Territorial, Alejandro Calvo, visitó güei los trabayos, qu’empezaron col fresado del pavimentu y l’aplicación posterior d’una nueva capa de rodadura d’amiestu bituminosu. L’actuación va completar cola reposición de la señalización horizontal. D’esta miente, va facilitase la comunicación d’esta zona de la capital allandesa col centru de la villa, onde s’alluguen los servicios alministrativos, sanitarios, asistenciales y comerciales del conceyu.
El Gobiernu d’Asturies ta realizando un importante esfuerzu p’ameyorar el caltenimientu de la rede viaria de titularidá autonómica y favorecer la conexón de les pequenes poblaciones coles capitales de conceyu y les cabeceres de contorna, especialmente nes zones rurales de la comunidá.
