80 denuncies nun dia por incumplir el decretu d’alarma

0
77
Vehículos de la Policía local de Xixón. / Archivu
Vehículos de la Policía local de Xixón. / Archivu

La Policía Local denunció esti miércoles en Xixón a 80 persones por tar de paséu pela cai ensin causa xustificada. Nuna nota de prensa, el Conceyu destaca la «esmolecedora cifra de persones d’avanzada edá que nun faen casu de la obligación xeneral de quedar en casa». Recuerda que saltase’l confinamiento «pon en grave peligru la so vida» y que «esti tipu de conductes son les que pueden llevar al colapsu de la sanidá». Ente los 80 denunciaos, 21 persones teníen más de sesenta años, y delles, más de la metá yeren mayores de setenta.

Tamién se detuvo por resistencia y desobediencia a un individuu, S.M.P. de 40 años d’edá y vecín de Xixón, a les 01.15 hores de la madrugada. Foi sosprendíu dando un paséu en bici pela cai Anselmo Solar. Al ser riquíu empezó a tusir sobre los axentes empecipiando la fuxida cola bici peles cais de Viesques, circulando n’ocasiones per dirección prohibida. Finalmente foi interceptáu na cai Albuquerque, resistiéndose nel momentu de la detención.