Barbón anuncia que va proponer pa Medaya d’Asturies 2027 a la emisora Radio Asturies por cuenta del so centenariu

Adrián Barbón anunció güei que va proponer pa Medaya d’Asturies 2027 a la emisora Radio Asturies, qu’anguaño conmemora’l centenariu de la so inauguración, el 3 d’agostu de 1926. Barbón realizó estes declaraciones mientres la gala d’aniversariu celebrada güei n’Uviéu. “Si los cien años merecen reconocencia, yo quiero anunciavos que ye’l mio propósitu proponer al Conseyu de Gobiernu a Radio Asturies pa Medaya d’Asturies 2027”, aseguró.
Barbón recordó la so vinculación cola emisora dende que yera teniente d’alcalde de Llaviana y participaba n’alderiques radiofónicos sobre municipalismu y allabó la profesionalidá y bon facer d’esti mediu de comunicación. “Toa institución, toa entidá, toa empresa que llegue a la edá de cien años, y qu’amás se caltuvo como una empresa familiar, hai que ponela en valor”.
El presidente felicitó a tola familia Toyos, propietaria de la emisora, y a los profesionales que trabayó nella a lo llargo de los años. “Tamos falando d’una de les radios más antigües d’España y, ensin dulda, la más antigua d’Asturies. Y ye un bon exemplu d’información veraz, d’información que merez la pena, qu’hai que poner en valor y, amás, rigorosa, que convence y que gusta”, concluyó.
Rellacionao


