Abre’l pequeñu comerciu n’Asturies y amplíense les ayudes

El gobiernu d’Asturies va anunciar mañana qu’a partir del prósimu miércoles día 25 de payares, va permitise l’apertura del pequeñu comerciu. Esto va aplicase a los comercios que tean per debaxo de los 300 metros cuadraos.

Amás, Adrián Barbón anunció tamién l’ampliación d’ayudes a unos 35 millones d’euros. El presidente d’Asturies animó a recurrir a estes ayudes a quien los necesitara, amás d’otres ayudes que pudieren ofrecese nos ayuntamientos o del gobiernu estatal.

Sicasí, Barbón dexó nidio que anque temos meyor «nun tamos bien», y que conviene nun baxar la guerdia y seguir lluchando pa que la curva siga baxando. Adviertió, amás, que la curva pude volver a subir, como yá lo ficiera nesta segunda fola ya instó a los ciudadanos a salir de casa namás que pa cualesquier cosa esencial (comida, trabayu y estudios).