Dos investigadores de la Universidá d’Uviéu llogren el premiu Dr. Santiago Castroviejo pola so aportación a la conocencia de les algues marines de Cantabria

La investigadora Candela Cuesta Moliner, del área de Fisioloxía Vexetal, del Áre de Botánica del Departamentu de Bioloxía d’Organismos y Sistemes de la Universidá d’Uviéu y del Institutu de Recursos Naturales y Ordenación del Territoriu (INDUROT), y Eduardo Cires Rodríguez, adscritu al mesmu departamentu, algamaron el VII Premiu d’Investigación Dr. Santiago Castroviejo, que convoca añalmente l’Asociación d’Herbarios Ibero-Macaronésicos (AHIM). El trabayu Diversity of marine macroalgae from Cantabria (Eastern Cantabrian, Spain) foi galardonáu con esti premiu pola so contribución a la meyor conocencia de la biodiversidá de les algues marines en Cantabria.

La entrega del premiu, presidida pola presidenta de l’AHIM (Asociación d’Herbarios Ibero-Macaronésicos), Esther Giménez Luque, va realizase nel mes d’avientu nel marcu de l’asamblea añal de l’asociación.

La investigadora y l’investigador señalen que, como resultáu del trabayu, identificáronse un total de 425 especies (25 Cyanobacteria, 55 Chlorophyta, 81 Ochrophyta y 264 Rhodophyta), lo que contribuyó a incrementar la conocencia sobre les algues del norte de la Península Ibérica, que tienen especial relevancia nos equilibrios físico-químicos, el ciclu del carbonu y el sostentu alimenticiu.