El Gobiernu d’Asturies denuncia l’ataque a un vehículu de la Guardería del Mediu Natural que participaba güei nel dispositivu de vixilancia puestu en marcha tres l’activación del Plan de Protección Civil d’Emerxencia por Quemes Forestales del Principáu (Infopa). El touterrén quedó xamuscáu nuna pista forestal del conceyu de Quirós. El fueu namás afectó al vehículu, anque se precisó la intervención de Bomberos d’Asturies pa encaloralo dafechu.
El Gobiernu d’Asturies denunció los fechos énte la Guardia Civil y esta mesma tarde un equipu de la unidá científica d’esti cuerpu analizó la zona en busca de pruebes sobre la causa de la quema. La investigación sigue en cursu.
La Conseyería de Mediu Rural y Cohesión Territorial condena con total rotundidá estos fechos y ufierta tol sofitu al personal de la guardería, que realiza una ponderatible llabor de custodia del territoriu, especialmente nuna situación d’altu riesgu de quemes forestales. Tamién confía en que tol pesu de la llei caiga sobre los culpables.
