Alejandro Calvo, conseyeru de Desenvolvimientu Rural, Agroganadería y Pesca

Alejandro Jesús Calvo Rodríguez (Cangas, 1974) ye'l nuevu conseyeru de Desenvolvimientu Rural, Agroganadería y Pesca del Gobiernu d'Asturies

0
904

Alejandro Jesús Calvo Rodríguez (Cangas, 1974) ye’l nuevu conseyeru de Desenvolvimientu Rural, Agroganadería y Pesca del Gobiernu d’Asturies. Inxenieru técnicu agrícola ya inxenieru agrónomu, con másteres en Ganadería y Desenvolvimientu Rural y en Viticultura, Enoloxía y Marketing. Trabayó como técnicu de viticultura y director de l’Agrupación de Tratamientos Integraos n’Agricultura pal cultivu de la vide de l’Asociación de Productores y Ellaboradores de Vinu de Cangas. Tamién exerció como inxenieru consultor para Ardaliz Oficina Técnica y como director técnicu de Bodega del Narcea S.L.

Na Alministración autonómica desempeñó les xeres de director xeneral de Política Forestal del Gobiernu en 2008; director-xerente de la Sociedá Xestión d’Infraestructures Culturales, Turístiques y Deportives de 2009 a 2012; viceconseyeru de Cultura y Deporte de 2012 a 2015, y director-xerente de la Sociedá Pública de Xestión y Promoción Turística y Cultural de 2015 a 2019.