Alicia Moncholí, por Campolivar, y Celia Viada Caso, por Un verano sin pájaros, ganaron los premios Nuevos Realizadores y Contra la Violencia de Género incluyíos nel palmarés del 59 Festival Internacional de Cine de Xixón. Dambos gallardones tán promovíos pol Institutu Asturianu de la Mocedá, dientro del programa Culturaquí.
Alicia Moncholí Lueje, directora de cine independiente que vive y trabaya n’España, tien el grau n’Imaxe y Cine de la Universidá Escac, en Cataluña. El so trabayu fundaméntase na reinterpretación de vivencies vinculaes a la desfragmentación familiar, l’ausencia y el trauma llatente nos estaos internos.
La so última obra como guionista y directora, el curtiumetraxe documental No quiero más, seleccionóse en más de venti festivales, ente ellos el Festival Internacional de Lebu, preseleccionador de los Oscar; el Festival Internacional de Zaragoza, preseleccionador de los Goya, y el Festival Internacional del Brain Film Fest, en L’alternativa. Nel certame internacional de Manlleu recibió la Mención d’Honor y nel de Navarra, el Premiu Melitón, amás d’esponese nel CCCB y na plataforma Filmin. Como cineasta participó tamién n’otros eventos del Conseyu de Mocedá de Xixón y en Meeting de Talkoofilms de la VII edición en Barcelona, y realizó guiones de conteníos de publicidá pa la productora FiultCut.
Celia Viada Caso ye directora de cine y artista visual. Los sos trabayos bancien ente’l cine esperimental y el cine de non ficción. Ye llicenciada n’Antropoloxía y Comunicación Audiovisual pola Universidá de Goldsmiths de Londres y Máster de Documental de Creación na UPF de Barcelona. El so primer llargumetraxe, La Calle del Agua (2020), estrenóse na 58 edición del FICX y obtuvo siete premios, incluyendo’l del Públicu, el Fipresci a la meyor dirección de la sección Tierres en Trance y l’ALMA a Meyor Guion de Cine Español.
El curtiumetraxe Imagina que caes. Pero no hay tierra (2021) estrenóse nel Indie Film Festival de Nueva York y obtuvo una mención especial nel Roma Short Film Festival. Realizó tamién instalaciones audiovisuales que s’espunxeron en sitios como’l Festival SACO d’Uviéu o LLABoral Centru d’Arte y Creación Industrial. En payares d’anguaño publícase’l so primer llibru, El ruido del tiempo, na editorial Libros de La Letra
