Ana Cárcaba García (Soto Ribera, 1972) ye la nueva conseyera de Facienda del Gobiernu d’Asturies. Llicenciada en Ciencies Económiques y Empresariales y doctora en Dirección y Alministración d’Empreses pola Universidá d’Uviéu, dende 1995 ye profesora titular del departamentu de Contabilidá. Dientro de la Universidá d’Uviéu, foi vicedecana de Calidá de la Facultá d’Economía y Empresa, coordinadora del programa de doctoráu en Sistemes d’Información Contable, coordinadora del Máster Universitariu en Sistemes d’Información y Analís Contable y secretaria del Institutu Universitariu de la Empresa.
Tamién dirixió dos tesis y participó en distintos proyectos d’investigación sobre la calidá de vida nel ámbitu municipal. El so trabayu recoyóse en 34 ponencies en congresos nacionales ya internacionales y en 37 publicaciones.
