La Dirección Xeneral d’Infraestructures Viarias y Portuaries de la Conseyería de Mediu Rural y Cohesión Territorial empezó esta selmana les obres de renovación de la marina seca del puertu de Cuideiru, nes que se van invertir 47.795 euros.
Los trabayos, que tienen un plazu d’execución de trés selmanes, van consistir nel sanio y regulación del terrén y na pavimentación de la zona, al traviés del estendíu y compactación de zahorra artificial, riego de imprimación y amiestu bituminoso. L’actuación inclúi tamién l’arreglu del valláu de les instalaciones.
Una vegada concluyíes les obres, l’espaciu anováu va caltener una superficie acutada pa los llabores propios de la marina seca y el restu de la parcela va quedar lliberada pa posible aprovechamientu municipal. En coordinación col Ayuntamientu de Cuideiru y en función de les sos necesidaes, los terrenos van poder dedicase a usos deportivos, lúdicos, d’aparcamientu o pa la celebración de mercaos.
Deja una respuesta Cancelar la respuesta