La Conseyería de Salú y el Serviciu de Salú del Principáu (Sespa) empecipien esta selmana la implantación de la clínica única p’atención primaria na área sanitaria VII, con cabecera en Mieres. El proyectu consiste en centralizar n’una única base de datos tou les hestories clíniques electróniques d’esta rede asistencial.
Los centros de salú de Mieres Sur y Cabanaquinta van migrar el próximu llunes, 5 de xunu, del actual sistema a la nueva ferramienta informática, denominada estación clínica p’atención primaria (ECAP), cola previsión de que tea enllantada a principios de xunetu en tol área sanitaria. Mañana, vienres 2 de xunu, nun va haber axenda programada nestos dos equipamientos, polo que namá s’atenderán les urxencies.
Los centros de salú de Figareo, Uxo y Morea van ser los siguientes nos que se va enllantar la ECAP, una midida prevista pal 19 de xunu. Pela so parte, los centros de Mieres Norte y La Pola L.lena incorporaránse’l 3 de xunetu. La ECAP, que’l so proxecto pilotu empecipió nos centros de salú de la zona de Xixón, va tar dafechu operativa en xunetu en toles árees sanitaries.
