Nuevu capítulu nel conflictu ente Arcelor Mittal y los trabayadores. L’Executivu rexonal afala a les partes a reconducir les sos diferencies por aciu la negociación pa resolver un escenariu negativu pa tol mundu. El departamentu que dirixe Enrique Fernández estima l’esfuerzu de mediación realizáu pol SASEC.
La Conseyería d’Industria, Empléu y Promoción Económica estima a los representantes de los y les trabayadores y a la dirección d’Arcelor Mittal n’Asturies l’esfuerzu y la voluntá de diálogu que tán manifestando pa algamar un alcuerdu que dexe reconducir el conflictu na factoría de Xixón. Dende’l departamentu que dirixe Enrique Fernández animase a dambes partes a que por aciu el diálogu resuelvan la situación actual, que ye’l peor escenariu pa toos y toes. Coles mesmes, y énte la xunta que se va celebrar esta tarde nel Serviciu Asturianu de Solución Estraxudicial de Conflictos (SASEC), dende la conseyería tamién quier ponese en valor l’esfuerzu de mediación d’esti organismu por que les organizaciones sindicales y l’empresa averen posiciones al traviés del diálogu y la negociación.
