El Boletín Oficial del Principáu (Bopa) publicó güei la convocatoria de los Premios a la Excelencia Deportiva 2023, que sofiten a deportistes asturianos d’altu rendimientu qu’apuesten competiciones oficiales de categoría absoluta. El plazu de presentación de solicitúes va tar abiertu dende mañana, vienres, hasta’l 19 de mayu.
La Conseyería de Cultura, Política Llingüística y Turismu destina 34.000 euros a sofitar l’actividá de deportistes que participen nes citaes competiciones oficiales que nun sigan el sistema de lliga regular o que, siguiendo esti sistema, nun pertenezan a un club que se beneficiara de subvenciones con destín a asociaciones deportives d’altu nivel y llográu resultancies deportives d’excelencia.
Los requisitos establecíos para optar a les ayudes son los siguientes: ser deportista asturianu declaráu d’altu nivel nacional o altu rendimientu autonómicu en 2022 y competir de forma independiente o formar parte d’un club que nun cunte con ayudes específiques para competir n’alto nivel.
