La Conseyería de Salú activa güei el nivel d’alerta 3 (riesgu máximo) del Plan Nacional d’Actuaciones Preventives de los Efectos de los Escesos de Temperatura sobre la Salú 2024 énte les previsiones de l’Axencia Estatal de Meteoroloxía (Aemet),agora que nos próximos díes van algamase temperatures cimeres a los 35 graos en delles zones d’Asturies.
Les autoridaes sanitaries aconseyen a la ciudadanía protexese de les radiaciones solares, hidratase y evitar el consumu de bébores alcohóliques. Amás, aportunen na importancia de curiar de la población más vulnerable al calor, esto ye, quien sufren enfermedaes cróniques o trabayen al campu y neñes y neños.
Tamién encamienten que se caltengan en frío los alimentos, yá que col calor aumenta’l riesgu d’infecciones alimentaries.
