Asturies, Galiza, Cantabria y Euskadi alcordaron xunise pa esixir al Gobiernu central una Política Agraria Común (PAC) que seya más flexible y real y afáigase a les especiales característiques de los territorios de la cornisa.
Los conseyeros d’esta área de los gobiernos del Principáu, Marcelino Marcos; la Xunta de Galicia, José González; Cantabria, Pablo Palencia, y la conseyera d’Euskadi, Arantxa Tapia, consolidaron güei, nuna xunta celebrada de forma telemática, esta alianza cantábrica que se va formalizar los próximos díes cola ellaboración d’un documentu que va recoyer les necesidaes comunes de les cuatro rexones.
Per parte del Principáu, Marcos Líndez plantegó, ente otres cuestiones, que’l Ministeriu d’Agricultura tenga en cuenta que’l maíz forraxeru p’autoconsumu nes esplotaciones ganaderes considérese una escepción na rotación de cultivos.
El conseyeru recordó que’l Gobiernu d’Asturies yá treslladó a Madrid diverses propuestes, consensuaes coles organizaciones agraries Asaja, Coag, Uca, Ura y Usaga y Cooperatives Agroalimentarias, coles mires d’afaer determinaes midíes del plan estratéxicu de la PAC a la realidá del Principáu.
